Etxejabeari ordaindu behar izaten zitzaion errenta nolakoa zen

Pasarteak jarraian erreproduzitu

Hizlaria(k): Meabebasterretxea, Maria ; Sarasua, Pedro

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan MAL-024-003 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Errentan zeuden baserritarrak, nagusiari garia eraman behar izaten zioten eta gainera dirua ere ordaindu behar izaten zitzaion. Gabonetan, kapoiak eta garo burdikara bat ere. Gerraostean, herrian ere garia entregatu behar izaten zen. Abadeari garia eramaten zitzaion baita ere.

« Aurrekoa Hurrengoa »

Proiektua: Deba Eskualdeko Ahotsak - Mallabia.
Elkarrizketatzailea(k): Itziar Alberdi Bilbao
Data: 2005(e)ko irailaren 12a
Iraupena: 0:02:40
Erref: MAL-024/003
Kodifikatzailea: Itziar Alberdi Bilbao
Gaia(k): Politika » Gerraostea eta Francoren diktadura » Ekonomia gerraostean , Baserria » Baserriko bizimodua » Baserriaren historia eta kokalekua , Ohiturak eta bizimodua » Erlijioa » Elizaren indarra

Transkripzioa

- Eta errentan bizi zianak, ez dakit, loturaren bat zeken jabiakin?
- Errentan bizi zienak? Guk, behintzat, garixe eruten gendun; setencientos ez dakit zenbat kilo urteten eban zortzi anegak, ta beste zortzi pagau itten genduzen ondiok. Ta beste hogeta lau euro, ha errenta moduen zan.
- Hogeta lau euro ez. [...]
- Bai, "ciento veinte pesetas". Ta gero, kontribuziñuek be geuk pagau biher. Oin kontribuziñoik... Bai, oin be badaz, etxiana, baiña basuanik-eta ez dao oin ta...
- Alkiler bat.
- Alkilerrien pagau in bihar noberak!
- Eta esan dozu garixa emoten zetsazuela?
- Garixe be bai. Ta gero etxerako palta. Hara ta herrire ta abadiai be bai beste apur bat eta...
- Oseake garixa jende askondako, ez?
- Ta baztarra guztixek gari-eraitten. Garixe edo artue izeten zan lehen. Gero, ba, landa in zienien, bedarra ebaten gero, geratu barik. Ta gero siketzen-ta aspertu zanien, siluek.-eta in genduzen. Ein genduzen...guk baiño aurretik beste batzuk be bai, ta guk be laster txamar. Ta oin harek be hutsik daz...
- Esan dozu jabiari garixa emoten zetsazuela, zortzi bat anega edo, eta hori noiz izaten zan? Urtian ze sasoittan?
- Ba, hartzen zan ingurun erun biher. Garixe jo...saso´ hontan entregau, ze garixek trillatzen zien, ba, San Inaziotarako edo hortara.
- Julio-agosto.
- Bai. Agostun be iños bai, denporaldi txarragaittik atrasaute ta... Urte baten, nik ez neuken urte asko, baiña euri itzelak eindde gehixenak usteldu be ein zittun. Bai. Ta holantxik, ahal zan modun.
- Eta gero Gabonetan zeoze emoten jakon?
- E?
- Gabonetan zeoze emoten jakon etxe-jabiari?
- Guk ez, baiña batzuk baeuken kapoiek-eta eruten eutsezenak. Guk ez. Guk Gabonak orduko... gero hori... A! Ta burkada bat ide be bai eruten geuntsen.
- Garue...
- Bai. Ba, orduntxe eitten zien kontuk, Domu Santu bueltan edo azkenoi.
- Orduan, etxe-jabia...
- Bai, [...] errentie pagatzeko egon bihar!