Domu Santuko ohitura zaharra

Transkripzioa

- Olatie be esaten jakon.
- Olatie ba, beste olatatxo batzuk izeten zittunan, horrek Domu Santuetan-ta erueten jittunen batzuk zerera, elixara be.
- A, baiña hori beste bat da?
- Bai, hori beste bat da. Elixara erueten euen orduan, Domu Santuetan edo. Batzuk erueten euen, e, basarrittar banaka batzuk. Nire akorduan askok ez. Batek, bik edo, ez dakit zeiñek erueten euen. Olatie. Beste batzuk dirue erueten euen, botaten euen. Eta beste batzuk erosittako ogixe igual; panaderixan. Gero holako moduko zer batzuk, boilluek edo, lehenao panpotak edo esaten utsien hari. Holako zer batzuk, tamaiñoko batzuk.
- Eta hori olatioi zer ixeten zan ba, elixan bertan itxitteko, abadiandako?
- Domu Santuetan usarixue. Zakuaz han ibilzen zittunan, batzen. Hillarrixak zela egoten zien han indda lehenau, han batzen. Han batzen euen hainbeste ogi, ta gero eitten euen hainbeste haragi ezingo jon jan, eta gero herriko umiei emuten utsien. Bai. Ogixe´e bai eta zeozekin. Ontza erdi txokolate edo, bestela… Behin hor Basabenien… menbrilluekin. Neu be fanda, ontza erdi txokolate emun euen denporan, neuk be hartute nau. Artien gaztie nitzan ta. Gero bestiek, Basabenien egon zienak edo, hor goixan egon zienak menbrillue emun euen, eta ni orduen hor beste… kalien krieda nenguen orduen be, ta hango umiekin fan nitzen, harei umiei emuteko ta. Eta… neri be emun ustien. Otzarakara haundi bat atara auien hara, boilluok ipinitta, ogixok, panpotok eta bestelakuok. Eurei komeni jaten… olatok edo batzuk eurek hartzen jittunen hareik, e.
- Oin be bai. Badakitzu, "el que reparte… se lleva la mejor parte."
- Zaku zuri batzukin hor ibiltzen zittunan zerok batzen.

Egilea(k): Juan Martin Elexpuru (Badihardugu Euskara Elkartea)