Ardiak

Transkripzioa

- Ta ardixak, nola esan dozu lehen, zortzi-edo lagatzen ziala...
- Bai, bai...
- Eta izen bat esan dozu hor...
- Artaldia, badakizu, urtian, ba, zaharrenetatik kendu eitten zian. Horrek basarrixan ardi-okelia ta buskantza ta oso geuriak giñutzen. Txarrixa be... Hori be zenbat eta haundixaua nahixao, gaiñera; hamabi arrua baiño hamalaukua nahixao. Eta guretan ardixak salbaziño haundixa eukitzen zaben. Urtian, ba, lau-bost bat ardi etxerako hiltzen zien, familixia, etxerako hiltzen zien. Ta hemen buskantzak eitten zekixenak koziñera onak zien. Gure ama zan kozinera ona. Eta buskantzak eta ardi-okelia, ez oin bezela frigorifikokua! Lehenengo egunetan jango zan, ba, gisauta ta hola. Ta gero, geiñetikua zezeña eitten zan, zezeiña eitten zan. Zezeña da, ba, gatz-uretan, gatz-uretan ipintzen zan. Eta, ba, eukitzen zan egun pare batzutan gatz-uretan ta gatza hartzen zeban han, okela harek gatza hartzen zeban. Eta, hala, gero, sekatu eta jaso eitten zien horrek. Ta gero haura, ba, lapikokuan. Bai babak... Hemengo potaje printzipalena babia izan zan beti, ta nik uste dot bera dala, gaiñera, onenetaikua --behintzat, hemen mutil majuak hazten zien ta seiñale dao.

Egilea(k): Aintzane Agirrebeña (Badihardugu Euskara Elkartea)