Fondo partikularrak

Ahotsak.com proiektu irekia da eta, erakundeek egiten dituzten grabazioez gain, jendeak egiten dituen ekarpenak ere jasotzen dira. Hau da, herritarrek etxean edo gertukoei egindako grabazioak. Euskal Herrian horrelako hainbat eta hainbat grabazio daude, etxerik etxe eta bazterrik bazter sakabanatuta, eta interesgarria da grabazio horien katalogazioa eta digitalizazioa egin ahal izatea, azken batean guztion ondarea baitira. Orain arte 4 lagunen grabazioak jaso ditugu: Luistxo Fernandezek, Ainara Mayak, Aitor Elortzak eta Maite Ortiz de Zaratek egindakoak. Zuk ere etxean daukazun zintaren bat utzi nahi badiguzu, jarri gurekin harremanetan.